SABINGA LUNG PHUN THAT A NI 2022

Mizo zinga Sipai tang hmasa lar tak Sabinga puala Aiawl Khatla (Upper Khatla) a Ni 26.05.1935 a Lung phun SABINGA LUNG chu a hmun a chep telh telh a, chei that a ngai hle a. Kum 2019 vel atangin Maj. K. Thangkima ten an buaipui a, Aizawl Mihlun Thlahte (AMT) lo pen chhuakin, Sabinga Lung Project Committee an in siam a. Anni hmalakna hnuaiah, Sabinga Lung chu mawi leh tha taka siam that leh niin, ni 29.10.2022 (Inrinni) dar 11:00 a.m. khan hawn a ni ta a ni.

 

Sabinga Lung hawnna inkhawmah hian Pu Lalrinenga Sailo Mayer AMC chu Khuallian a ni a, Pu VL Zaithanzama MLA Aizawl West-III chu Khual zahawm a ni. Inkhawm hi Sabinga Lung awmnaah hman a ni a, Pu Dominic Lalhmangaiha, Chairman AMT in a kaihruai a, Upa Lersithanga Thakthing chuan hunserh a hmang a, Maj. (Rtd) K.Thangkima’n Technical Report pe a. Khuallian Pu Lalrinenga Sailo, Aizawl Municipal Corporation, Meyor chuan Sabinga Lung siam thar chu a hawng a.

 

He hunah hian Brig Digvijay Singh, SM, CDR, HQ 23, Sect, AR hming leh Commandant & All Rank, 2nd (Lakhimpur) BN hming leh Ex-Servicement Assn aiawhin Pangpar dah a ni a. 2nd Assam Riffles Pipe Band ten urhsun takin rimawi an tum a, hun tawp dawnah Pu K.Liantlianga AMT Vice Chairman chuan lawmthu sawina hun a hmang a, Lungphun hawnna chu tih tawp a ni.

 

Sabinga chungchang leh a puala Lung phun (Sabinga Lung) siam a nih chungchangah hian kan mi hmasate, a bikin Mizo sipai tang hmasate inpumkhatna thatzia a lang chiang hlein ka hre thin a, chu chuan Mizo pum pui ang pawhin a tha zawnga inunauna a thlenin ka hre ve a, kan Sipai tang hmasate kha in chhuanawm ka ti hle. Ka rilruah Sabing Lung hi Sipai tang tawh te leh tang mek te inunauna leh inzawmna thatzia  entirna Lung ni hian ka ngai thin.

 

Sabinga Lung siam that lehna tur hiang, pawisa tam tak a ngai a, a hnuaia tarlante hian pawisa an thawh a ni:

1.  Aizawl Mihlun Thlah (AMT) member te                            -              Rs 140000/-

2. Pu VL Zaithanzama MLA                                                    -              Rs 100000/-

3. Pu Lalhmingmawia, Counsellor, AMC                               -              Rs 100000/-

4. Director, Art & Culture Deptt Mizoram                              -              Rs 100000/-

5. Assam Rifles Ex-Servicemen Association                           -              Rs 10000/-

 

Sabinga Lung phun siam thar leh hawnna, ni 29.10.2022 (Inrinni) chhuna hmannah hian, ka zing chhuak chu ka tel ve nghal a, nihlawh ka inti hle.